ஹைக்கூசென்ரியு

சென்ரியு - 10
============

1.
குடும்ப வக்கீல்
பல முறை கேட்கிறார்
வாய்'தா

2.
குறட்டை பிரச்சனை/
மனைவி கேட்டு வாங்குகிறார்/
விவாகரத்து பத்திரம்

3.
மூச்சு திணற திணற
இரவில் அடிக்கிறார்
கொசு மருந்து

4.
தேடி எடுத்து /
ஆயுத பூஜைக்கு வைக்கிறார் /
பொறியியல் பட்டம்

5.
தலை,கால் புரியாமல்/
கோபமாக கையை வெட்டுகிறார் /
தையல்காரர்

6.
பொருள் விற்றபின்/
அடிக்கடி வழுக்கி விழுகிறார்/
வாழைப்பழ வியாபாரி

7.
சுத்தி பார்த்து
குழி பறிக்கிறான்
முதல் பந்தியில்

8.
கொத்தனார்
மெல்ல கட்டுகிறார்
சித்தாளுக்கு தாலி

9.
அனாதை இல்லம்/
அன்பளிப்பு வழங்கிச் செல்கிறார் /
மேலும் ஒரு குழந்தை

10.
தினம் ஒரு வேஷம்
உடுத்திய நிலையில்
கடவுள் சிலை

-J.K.பாலாஜி-