காதல்

என் கனவில் வந்த காரிகையே
உன்னை மனதில் பதித்துவிட்டேன்
நீதான் என் கனவு கன்னிகை மட்டுமல்ல
என்னவள்தான் என்று.........அப்படியே,
கனவுலகில் மிதந்த நான் கனவுக்குள்
ஓர் கனவுகண்டேன் , அதில் என்னவள் நீ
என்னை உன் கனவில் உன் காதலனாய்
காண்பதுபோலே .............கனவில் நினைத்தேன்,
இப்படி ஒருவரை ஒருவர் கனவில் கண்ட
நாம் இருவர் , நேரில் காண்கின்றோம்
கண்களின் பார்வையும் பரிமாறிக்கொள்ள
முதல் பார்வையிலேயே காதலர்கள் ஆகின்றோம்,
இதோ விழித்துவிட்டேன் , உன் பிம்பம் என் மனதில்
அதை விழிகளிலின் திரையில் திரையிட்டு
பார்க்கின்றேன் ,அப்படியே பார்வையில் உன்னை
கண்டுகொள்ள அலைகிறேன் காதல் பித்தில்
உன்னைக் கண்டுகொள்வேன் விரைவில்
எந்தன் கனவில் வந்த காரிகையாய்
என் காதலியாய் .......................
நான் கண்ட கனவில் என்னை நீ கண்டதும்
உன்னை நான் கண்டதும்
உண்மை என்றால் , என் கனவு காதலியே
நாம் சேர்ந்திடுவோம் நனவிலும்
காதலர் கனவுகள் நிஜமாக............