சொற்கள் கவிஞர் இரா இரவி
சொற்கள் ! கவிஞர் இரா .இரவி !
ஒரு சொல் வெல்லும் ஒரு சொல் கொல்லும்
உண்மைதான் கவனமாகப் பேசுவோம் !
நல்லது பேசிட நல்லதே நடக்கும்
நாளும் இன்சொல்லே பேசிடுவோம் !
யாருக்கும் சாபம் இட வேண்டாம்
யார் மனதையும் புண் படுத்த வேண்டாம் !
தீக்காயம் ஆறி விடும் சில நாளில்
சொல்காயம் ஆறாது சொன்னவர் வள்ளுவர் !
கனி போன்ற இனிமை சொற்கள் இருக்க
காய் போன்ற வன்சொல் எதற்கு என்றார் !
இனிமையாகப் பேசினால் உங்களை உடன்
எல்லோருக்கும் பிடிக்கும் உணர்ந்திடுங்கள் !
உங்களிடம் மற்றவர் எப்படி பேச வேண்டுமென
உங்கள் மனம் விரும்புகிறதோ அப்படியே பேசுங்கள் !
சொர்களால் யாரையும் காயப் படுத்த வேண்டாம்
சோகத்தில் ஆழ்த்தி சுகம் காண வேண்டாம் !
.அன்பாகப் பேசுங்கள் அனைவருக்கும் பிடிக்கும்
ஆணவப் பேச்சு ஒருபோதும் வேண்டாம் !
மலர் போன்ற இன் சொற்கள் இருக்கையில்
முள் போன்ற வன் சொற்கள் எதற்கு ?
--
