அந்த நொடி
அந்தக் கணம் தான் நான் தேடும் கணம்,
அந்த நொடி தான் நான் இழந்த நொடி; கடைசியாக என் மனம் உறங்கிய தாய் மடி!
அந்தக் கசியும் கண்களின் நொடி!
பாதையில்லாத நரம்புக் காட்டுக்குள்
தொட்டாச்சிணுங்கி மீது விழுந்த முதல் மழைத்துளியின் நொடி!
அன்றெனக்குத் தெரியாது- அந்த முதல் துளிக்குள் ஒரு கண்ணீர் சுனாமி இருந்தது அன்றெனக்குத் தெரியாது!
அக்கண்கள் என் கண்களைத் தொட்டணைத் தூறும் மணற்கேணி செய்யும் என்று எனக்குத் தெரியாது!
(என்னவள் என் கரம் பிடித்து அழுததன் நினைவாக பின்னாளில் எழுதியது)
