துணை வர வா

ஏ ஆகாயமே
ஆடை கொள்
உன் நிர்வாணத்தில்
எத்தனை வெளிச்சங்கள்
அத்தனையும் இரவிலே
அப்பட்டமாய் தெரிகிறதே....!!

ஏ ஆகாயமே
மேகங்களால்
ஆடை கொண்டாயோ
உன்னை இரசித்ததற்காய்
மழை அள்ளி தெளிக்கின்றாயோ
இருந்தும் நான் நனைகின்றேன்
அத்தனையும் உனக்காக தான்....!!

நிரந்தரமில்லா நிலவும்
நிலையில்லா வெள்ளியும்
உன் உடனிருந்தாலும்
உன்னை இரசித்த இரசிகனாய்
கனவிலும் நினைவிலும்
காதல் கொள்ள நவில்கிறேன்

ஏ ஆகாயமே
நீல பூக்களை நீந்த விட்டது போல்
நீண்டு விரிந்த தோகையாய்
எல்லையின்றி நின்றாலும்
உன்னை நான் நேசிக்க
என்னை போல் நீயும் தனிமையே
துணை வர வா............!!

R.Barathy