வென்று முடித்திடு……
வென்று முடித்திடு……
26 / 11 / 2023
வெறும் கையால் முழம் போடாதே - தம்பி இங்கு
வெறும் வாயை மென்று துப்பாதே
பெரும் மாற்றம் நிகழ வேண்டுமே - தம்பி நீயும்
சிறுமைப்பட்டு சிறையில் சிக்காதே
தடைகள் யாவும் தகர்த்து நீயும் - தம்பி
மடை திறந்த வெள்ளமென பாய்ந்திடு
படைகள் எல்லாம் திரட்டி நீயும் - தம்பி
விடைகள் தேடி நிற்காமல் ஓடிடு
வானளவு ஆசை வைத்திடு - தம்பி
பூமிபோல பொறுமை காத்திடு.
உனக்கான நேரம் கனிந்திடும் - தம்பி
உன்னை மட்டும் நம்பி இருந்திடு
வெற்றிப் பசியை தூண்டிவிட்டு - தம்பி
விவேகத் தீயை அணையாமல் காத்திடு
துணிவாய் நீயும் எட்டி நடந்திடு - தம்பி
பணிவாய் நீயும் வென்று முடித்திடு.
