அடுத்த ஆண்டுக்கு அது மட்டும் போதும்
வருகிற புத்தாண்டில்
எனக்கொன்றும்
பெரிசாய்த் தேவையில்லை
பேருந்துகளில் ஏறுகின்ற
மற்றும் அடிக்கடி
என் வீட்டுக்கு வருகின்ற
பிச்சைக்காரர்களின் எண்ணிக்கை
ஓரிரண்டாவது குறைந்தால் போதும்...
என்னுடன்
பழகித் திரியும் நண்பர்களும்
பக்கத்து வீட்டு மாமாவும் - என்
தாத்தாவும் தமையனும்
புகைப்பதை விட்டால் போதும்....
அடுத்த ஆண்டுக்கு அது மட்டும் போதும்
