சிட்டுகுருவி திங்கநெல்லு இல்லை – சிறு
பட்டுப்பூச்சி தங்கஇடமும் இல்லை !
ஆட்டுமாட்டு கூட்டத்திற்கும் இங்கே – வெறும்
கட்டாந்தரை தவிர ஏதும் இல்லை !

மரமும்நீரும் அழிந்துபோகும் முதலில் – நல்ல
மீனும்உப்பும் ஒழிந்துபோகும் கடலில் !
மனிதன்என்ற மிருகத்தின் வெறியில் – இந்த
மாண்புமிக்க உலகம் அழியும் கதியில் !

காசுதேடி சொத்துதேடி ஓடி – இங்கு
மாசுபட்டு கிடப்போர்கள் கோடி !
கூசும்குணம் எள்ளளவும் இன்றி – பொய்
பேசும்மனம் படைத்தோரும் கோடி !

யுத்தம்செய்து கெட்டுப்போனார் பாதி – காம
மத்தம்கொண்டு செத்துப்போனார் மீதி !
மொத்தமாக ஊரையுண்டு வாழும் – பேடி
எத்தர்களின் ஆட்சியில் தான் பூமி !

மேலும்

உன்
அலட்சியப் பார்வைகள்
அத்தனையும் ..
மரியாதைக்கு உரியவை..
என்னை ..
உயர்த்தியவை என்பதால்..
வணக்கத்திற்கு உரியவை ..
என்னை.
விட்டு விலகிப் போனதால்..
இப்படியே இரு..
மாறி விடாதே !

மேலும்

மூதாதையர் கரங்களில்
கொண்டதை
நாங்கள் கனவுகளில்
கொண்டுள்ளோம்
அவர்களின் காயங்களின்
விலை மறுப்பு
எங்கள் கற்பனையின்
கலை -மீட்பு
நீ இயற்கைக்கும் சேர்ந்து
வாழ்ந்தாய்
நான் இயற்கையும் சேருமாயென
வாழ்கிறேன்
சிந்தனைக்கொண்டு
படைத்ததை
காகிதம் கொண்டு
விண்ணபித்தோம்
காகிதம் நிறமாறும்
என் உருமாறும்
என்றே?

மேலும்

பாக்களிலிலே ரதியாகிப்
பிறந்தவளே மகளே...
பூக்களெலாம் தோற்கடித்துப்
பூத்தவளே மகளே...!

................... நீ ...................

பூ விரலால் பூமி தொட்டுத்
தவழ்ந்து வரும் போதும் – உன்
பொன் முகத்தால் நீ மலர்ந்து
புன்னகைக்கும் போதும்...

அன்பென்ற ஆறு பூத்து
அள்ளுதடி வெள்ளம் – என்
ஐம்புலனும் ஈறு தாண்டித்
தின்னுதடி வெல்லம் !
==
கீச்சு மொழிப் பேச்செடுத்துக்
கிறங்க வைக்கும் போதும்...
ஈச்சம் பழம் கொட்டுவதாய்
எச்சில் சொட்டும் போதும்...

மின்மினிகள் நெஞ்சுக்குள்ளே
நிரந்தரமாய் தங்கும் – என்
கண்மணியாள் கதைப் படித்தே
காலத்தினைத் தள்ளும் !
==
பஞ்சு விரல் நெஞ்சில் ஏறிக்

மேலும்