எங்கள் இலங்கை வானொலிக்கு ஒரு பாமாலை.(மெய்யன் நடராஜ்)
வீட்டுக்கு வீடு வலம்வரும் வானொலி
பாட்டுக்கு பாட்டும் ஒருபடப்பாட்டும்
தருகின்ற தேனருவி
எங்கள் இலங்கை வானொலி.
புலரும் பொழுதும் காலைக் கதிரும்
நினைவூட்டும் நிகழ்ச்சி முன்னோட்டம்
பிறந்த நாள் வாழ்த்தி பொங்கும் பூம்புனல்
பாவளம் வளர்க்கும் வாலிப வட்டம்.
நினைவில் நிறைந்தவை நீங்கள் கேட்டவை
பூவும் பொட்டும் மகளிர் கேட்டவை
ஜோடிக்குரல் ஜோடிமாற்றம்
இன்றைய நேயருக்கும் நீ இசைக்களஞ்சியம்
இசையும் கதையும் பாட்டும் பதமும்
சித்ரகானம் எல்லாம் புதுவெள்ளம்.
இரவின் மடியில் குன்றின் குரலில்
நாடகம் ஆடும் புது வெள்ளம்
முத்து விதானம் வயலும் வாழ்வும்
இளைஞர் மன்றமும் கதம்பமாலை
நேருக்குநேர் நேயர் கடிதம்
ஒலி மஞ்சரியும் என் விருப்பம்.
மனையும் மங்கையும் குடும்ப விருப்பம்
கவிதை கலசம் விடுமுறை விருப்பம்
சந்தன மேடையில் மெட்டொன்று எடுக்கும்
மெல்லிசை பாடலின் இசையருவி
வர்ணஜாலம் காட்டும் நட்ச்சத்திர கானம்
வளையோசைதான் உன் அந்தாதி
மந்தமாருதம் வீசும் இசைத்தென்றல்
நாளைய சந்ததியும் கேட்கும் இசைமாலை
வர்த்தகமென்றும் தேசியமென்றும்
வசீகரம் கொண்டாய் ஆசிய வானொலி சேவையிலே! உன் அலைவரிசையிலே
என்னை வளர்த்துவிட்டாய் அந்த நாளையிலே !
ஒருமுறை உன்னை கேட்காவிட்டால்
உறக்கம் கொள்ளேன் இரவினிலே அதனால்
சிறுவர் மலரால் தேர்ந்த இசையால்
உனக்கென் நன்றிப் பாமாலை.!
(இதில் இன்னும் பல வானொலி நிகழ்ச்சிகளின்
பெயர்கள் விடுபட்டிருக்கின்றன என்றாலும் ஞாபகத்தில் உள்ளதை கொண்டு சூடியிருக்கின்றேன் இந்த பாமாலை.அயல் தேசத்தில் இருப்பதால் புதிய நிகழ்ச்சிகளின் பெயர்களும் தெரியாது. எனவே பல நிகழ்ச்சிகளை மறந்து விட்டதாக குறை கொள்ள வேண்டாம் அன்பர்களே நன்றி,-மெய்யன் நடராஜ் )
