பாரதத்தின் தீ - பாரதி
ஓடி விளையாடு என்று
உற்சாகப்படுத்திய உத்வேகத் தீ !
சாதிகள் இல்லையடி பாப்பா என்று
முழங்கிய சமத்துவத் தீ !
அடிமைத்தனம் கண்டு கலங்கி
கொதித்த ஆவேசத் தீ !
பெண்ணடிமை புதைத்துவிட
வெடித்த புரட்சித் தீ !
இமயம் முதல் குமரி பரவிய
கட்டுக்கடங்காத காட்டுத் தீ !
காக்கை குருவியும் எங்கள் ஜாதி என்று
அன்பு பொழிந்த அற்புதத் தீ !
அறியாமை அகற்ற என்றென்றும்
சுடர் வீசும் அணையாத் தீ !
பகலவனாய் தினம் உதிக்கும்
பாரதத்தின் தீ ! பாரதி !
