எனது மகள்

எத்தனை மணித்துளிகள்
காத்திருந்திருக்கிறேன்
இந்த ஒரு நிமிடத்திற்காய்

உலகம் என்னை மட்டுமே
சுற்றிக் கொண்டிருப்பதாய்
தோன்றுகிறது எனக்கு

ஒட்டு மொத்த
பறவை கூட்டமும்
என்னோடு பறப்பதாய் உணர்கிறேன்

உனது புன்னகை எல்லாம்
என் மேல் பூக்களாய் சொரிகிறது

உனது விழி அசைவில்
வீண்மீன்களாய் சிதறுகிறது
இந்த அறை முழுவதிலும்

விரல் கொண்டு
விருந்து படைக்கிறாய்
எனது முகமெங்கும்

முத்தம் தந்து
யுத்தம் செய்கிறாய்
என்னோடு

எனது நாட்களின்
எல்லா பக்கங்களிலும்
நீயே நிறைந்திருக்கிறாய்

தேவதைகள் சூழ்ந்திருக்கும்
மலர்க்கூட்டம் நீ

அத்தனை மொழிகளிலும்
அழகானவள் நீ

எனது பாலைவனத்தின்
மழைச்சாரல் நீ

இவை அனைத்திற்கும்
மேலாய் எனது மகளாய்.