காதல் நீர்
தூர்வாரி தூர்வாரி
துரும்பாகப் போன நெஞ்சம்
துருப்பிடித்து அடைக்கும் முன்னே
காதல்நீரும் பாய்ந்திடுமோ?
குடிநீரை மறந்திருக்கும்
குணமகனின் குறைதீர்ப்பாய்
குடி-மகனாய் ஆகும் முன்னே
காதல்நீரும் பாய்ந்திடுமோ?
வறண்டு கிடக்கும் வைகையல்ல
பாலாறு பரணி நதிகளோடு
வங்காளம் வரளும் முன்னே
காதல்நீரும் பாய்ந்திடுமோ?
கடைக்கண்ணில் காட்சிமங்க
சுருக்கங்கள் மேனிகொள்ள
கைத்தடி அதுவேடுக்கும் முன்னே
காதல்நீரும் பாய்ந்திடுமோ?
பட்டம் பெற்றேன் பணமும் பெற்றேன்
பதவியுடன் பலனும் பெற்றேன்
பெற்றவரின் ஆசை முன்னே
காதல்நீரும் பாய்ந்திடுமோ?
உன்னையன்றி யாருமில்லை
உலகிலீடு வேறுமில்லை
உண்மை நிலை மாறும் முன்னே
காதல் நீரும் பாய்ந்திடுமோ?
சுகதுக்கம் எல்லாமே
கருவறையில் பூட்டிவைத்தேன்
துக்கமது கூடும் முன்னே
காதல்நீரும் பாய்ந்திடுமோ?
கடல் சாயல் வான நீலம்
மழைச் சாயல் கொண்ட மேகம்
உலகைவிட்டு மறையும் முன்னே
காதல்நீரும் பாய்ந்திடுமோ?
உன்பதிலில் விடையுண்டு
உணர்ச்சிகளின் எடையுண்டு
கண்மூடும் நேரம் முன்னே
காதல்நீரும் பாய்ந்திடுமோ?
-இப்படிக்கு முதல்பக்கம்