தீபாவளி♥லி♥ விருந்து - ப்ரியன்
இரவு உன்னை வரவேற்க்க
முத்தாய்ப்பாய் இருக்குமென
ஆயிரம் வாலா க்களை
கொளுத்திவைத்தேன் நான்
பயந்துகொண்டே
மத்தாப்பாய் எரிகிறது
உன்னில் புன்னகை ♥♥♥
விடியற்காலை
குழந்தைகளுடன் போட்டியிட்டு
சங்குசக்கரம் புஸ்வானங்களை
நீ ஏற்றிவைக்கிறாய்
என்னில்
காதல் பற்றிக்கொள்கிறது ♥♥♥
எண்ணை குளியல் முடித்து
புத்தாடையுடுத்தி
தலைமுடி உலர்த்துகிறாய்
என்னருகில் நீ
நீர் சொட்ட சொட்ட
நிரம்புகிறது
என்னுள் காதல் ♥♥♥
இன்று முழுவதும்
கேட்டுக்கொண்டே
இருந்தேன் நான்
வெடிச்சத்தங்களோடு
சந்தோஷமாய்
நடைபோடும் உன்
கொலுசொலிகளையும் ♥♥♥
இனிப்புகளுக்கு பின்
தீபாவளி மருந்தாய்
என் காதுகளுக்கும் எட்டியது
உன் வார்த்தை
ஆன்டி
நான் கிளம்பறேன் ♥♥♥
சந்தோஷ நினைவுகளாய்
சிதறிக்கிடக்கிறது
தெருக்களில்
வெடித்த காகிதங்களும்
என்னுள்
உன் நினைவுகளும் ♥♥♥
(இரண்டாம் சந்திப்பு - ப்ரியன்)
