விவசாய தோழனுக்கு
ஏர் பூட்டி
நீ உழுதாய்
சோற்றினில் நாங்கள்
கை வைத்திடவே !
எத்தனை வியர்வைத்துளி
நீ விதைத்தாய்
ஒற்றை நெல்மணி
கதிர் அறுத்திடவே !
நீ சிதறாமல் அறுத்திடும்
ஒவ்வொரு நெல்மணியிலும்
எங்கள் ஒரு வேளை
பசி அடங்குது ஐயா !
வணங்கும் தெய்வங்கள்
ஆயிரம் ஆனாலும்
பசி தீர்க்கும் எங்கள்
ஒற்றை தெய்வம் நீங்கள் ஐயா !
எத்தொழில் நாங்கள் செய்யினும்
உன் தொழில் முழு ஆதாரமே
அத்தொழில் நீ விடுவாய் எனில்
எங்கள் அகத்தொழிலும் நின்றிடுமே !
உன் வாழ்க்கை உயர்த்திடவே
ஒரு பொழுதேயினும் முயன்றிடுவோம்
இனி ஒன்றும் கவலையில்லை
இனிதே பொங்கட்டும் இப்பொங்கல் !!
பொங்கல் நல்வாழ்த்துக்கள் !!!
