நேற்றைய நாளையும் -நாளைய நேற்றையும்-அலமு

நேற்றைய இன்றையும்
இன்றைய நேற்றையும்
எனது நாளைகள் ஒரு போதும்
மறப்பதில்லை....

நாளைய இன்று
இங்கிருப்பே னென்று
நேற்றைய இன்றில்
எப்படி யெனக்கு தெரியும்......!!!

நாளையையும் நேற்றையும்
யாரும்
தேடி ஓட வேண்டாம்....

ஒரு நொடிக்கு
ஒரு நாளை பிறக்கிறது
ஒரு நொடிக்கு
ஒரு நேற்று பிறக்கிறது..
இன்று எங்கே போனது
தெரியவில்லை....????

யார் சொன்னது
இன்று மட்டும் நிஜமென...????

நிமிசம் என்பது
அறுபது நொடிகளின்
இரண்டு மாதம்....!!!
வருசமென்பது
ஆறு நிமிசம்.....!!!

அறுபது நாளைகள் அடங்கிய
வாழ்க்கையில்
ஐம்பது நேற்றுகளை தொலைத்து
விட்டோம்....

ஆறு நிமிசம் அடங்கிய
வாழ்க்கையில்
ஏழு ஜென்மம் வாழ்ந்து
விட்டோம்.....!!!