தடதடக்கும் இரயில் பயணம்

இரண்டு இருக்கைகள் இருந்தும்
அவன் இருக்கைக்குள்ளே
தன்னையும் இருத்திக் கொள்ள முடிகிறது
காதலிக்கு,

மாா்புக்குள் குழந்தையையும்
கண்களுக்குள் கணவனையும்
ஒருசேர சுமந்துகொண்டு பயணப்படுகிறாள்
மனைவியொருத்தி,

சாளரத்தின் வழியே
வெகு வேகமாக நகரும் காட்சிகளை
மீதம் இருக்கும் நாட்களோடு
தொடா்பு படுத்தி,
கிழவன் தன்னை விட்டுப் போய்விடாதபடி
கையை இறுக்கிக் கொள்கிறாள்
கிழவி,

கைக்கிளைக் காதலுக்கு
தயாராகும் தமையனை,
மெல்லத் தலையசைத்தும்
கொஞ்சம் விரல் உயா்த்தியும்
எச்சாிக்கை செய்கிறாள் தங்கை,

பெண்மையின் அருகாமை இல்லாத
என் ரயில் பயணம்
அதிகமாய் தடதடக்கிறது...