காதல்
* யானைக்கு
அங்குசம் ;
* கப்பலுக்கு
நங்கூரம் ;
* மனிதருக்கு
காதல்...
* பயணிப்பதும்
நிற்பதும்
நினைவதிகாரமே ...!
*****
* பொல்லாத புனிதம் ;
உயர்வான இயல்பு...!
* ஆபாச சேட்டை- அதில்
அரங்கேறும் ஒழுக்கம் ...!
* வெயிலை மறந்து குளிரும்
இருட்டும் போதும் விடியும்...
பூமியே உடைந்து சிதறும் - இதோ
இருவர் ஒருவராய் உருகும் ...!
* மானசீகமாய் ஒரு நேர்மை
மடை திறக்கிறது பல அபத்தம் ...
நிலைகெட்ட கன பிரமை
நெஞ்செல்லாம் மன அழுத்தம்...!
* பார்த்ததும் பேசியது
பேசியதும் வேர்த்தது
அற்பமான நிகழ்வுகள்
அற்புதமாகிறது
வரலாறு...!
* ஆணும் பெண்ணும்
தோண்டித் தோண்டி
பல யுகமாய் ஒரு தேடல் ...
நீயும் நானும்
இதனால் வந்தோம்
தொடங்கட்டுமே நம் காதல் ...!
