தமிழ் முழக்கம்
தமிழ்த் தாய் வாழ்த்து
🐠🐠தமிழ் முழக்கம் 🐠🐠
"அறம் செய்" அறிவித்த அருந்தமிழே - நீ வாழி..!
ஆண் பெண் நிகரிலக்கணம் அருளினாய் - அழகு தமிழே - நீ வாழி..!
இயல் இசை நாடகம் - ஈன்ற இன்னிசைத் தமிழே - நீ வாழி..!
ஈகை ஒப்புரவு விருந்து இனிதென்றாய் இன்தமிழே - நீ வாழி..!
உயிரே பிரியினும் உன்னை மறவேன்!என்
உவகைத் தமிழே - நீ வாழி..!
ஊன் அறுத்து உயிர் அறுத்து கேட்பினும் உன்னை விட்டு பிரியேன் என் உயிர்த் தமிழே - நீ வாழி..!
"என்றுமுள தென்றமிழ்" என கம்பம் பாடிய கவி தமிழே - நீ வாழி..!
ஏழ் பிறப்பும் இன்பம் தரும் எனையாண்ட என் இன்பத்தமிழே - நீ வாழி..!
ஐந்திணை வகுத்து இவ்வுலகில் ஐயாய் திகழும் ஐந்தமிழே - நீ வாழி..!
ஒலித்தால் இனிக்கும், ஒளி வனப்பால் உள்ளம் கவர்ந்திழுக்கும் முத்தமிழே - நீ வாழி..!
ஓங்கி உயர்ந்தது ஒழுக்கம் தானென்ற என் ஒண்டமிழே - நீ வாழி..!
ஔடதமாய் திகழும் என் அன்னைத்தமிழே - நீ வாழி..!
ஆசையில் அடியேன் வாழ்த்துகின்றேன்..!
நின் அருட்பாதம் தொழுது கவி தீபம் ஏற்றுகின்றேன்..!
வாழிய வாழியவே...!
செந்தமிழே ! நீ வாழிய வாழியவே..!
(தமிழ் காதலன் என் நண்பர் எழுதிய கவிதை)
