உழைப்பவனுக்கு
பாடுபட்ட மக்கள் நாங்கள் -ஒரு நாள்
நாடு ஆளுவோம் பாருங்கள்!
வெள்ளை நிற மனிதர்களே
உங்கள் நிழல் கூட எங்கள் நிறந்தான் பாருங்கள்!
குனிந்து நாங்கள் போவது
உங்கள் பணபலத்தால் பயந்தல்ல!
சிறுத்தை போல ஒதுங்குவோம்
பாயத்தானே வேறலல்ல!
இது வேர்வை சிந்திய உடம்பு
ஆங்காங்கே உடம்பில்
பெருமையான தழும்பு!
இது ரத்தம் சிந்திய நிலம்
இங்கே கூடாது
கோழைகளின் வலம்!
ஓட்டுபோட்ட கூட்டம் - நாங்கள்
ஓடிவிட மாட்டோம்!
மாற்றம் ஒன்று வேண்டும் - அதுவரை
அடங்கிவிட மாட்டோம்!
அலைபோல் எழுந்து
மடிய மாட்டோம்!
கடல்போல் இருப்போம்
மறைய மாட்டோம்!
ஏழைகளின் நீதி - அட
மனுவோடு முடிகிறதே!
உழைத்ததற்கு மீதி - அட
ஏமாற்றமே கிடைகிறதே!
ஓன்றுபட்டு தீருவோம் - ஒருநாள்
உலகம் ஆளப்போகிறோம்!
அன்று வந்து பாருங்கள் - நாங்கள்
பழிதீர்க்க வருகிறோம்!
