நான்கு கால் நண்பன்
நாலு காலு நண்பனுக்கு
நன்றி சொல்ல கடமைப்பட்டு
நாட்டு மக்கள் எல்லோரும்
போற்றி வணங்கும் நேரமடா..!
பால் தந்த அம்மாவுக்கு
படையலாக பொங்கல் வைத்து
ஏழு ஜென்ம கடனில்
எள் அளவு அடைப்போம்டா..!
உழவுக்கு உரம் தந்தான்
உணவுக்கு உடல் தந்தான்
எழவுக்கும் தோல் தந்து
எல்லாமாய் அவன் நின்றான்..!
பாரம் பல சுமந்துகொண்டு
தூரம் கடக்க உதவுகிறான்..!
வீரம் நம்மில் விளைந்திருக்க
விளையாட்டிலும் இருக்கிறான்..!
நேரம் காலம் பார்க்காமல்
நேர்மையாக உழைக்கிறான்..!
ஈரம் மனதில் சிறிதிருந்தால்
இன்று இவர்களை வணங்கிடுவோம்..!
நட்புக்கும் உறவுக்கும்
ந.இராஜ்குமாரின்
இனிய மாட்டுப்பொங்கல்
நல்வாழ்த்துக்கள்
