ஹைக்கூ கவிஞர் இரா இரவி
ஹைக்கூ ! கவிஞர் இரா .இரவி !
தினமும் இருமுறை
நேரம் காட்டியது
ஓடாத கடிகாரம் !
சுகமானது
பகை
இல்லாத வாழ்வு !
வழிவகுக்கும்
அழிவிற்கு
தற்பெருமை !
சும்மா கிடந்த சங்கை
ஊதிடும்
அரசியல்வாதி !
சொன்னால்
வெட்கக்கேடு
இன்றைய அரசியல்!
பண மதிப்பு இழப்பால்
மதிப்பிழந்து
நாடு !
உண்மையானது
படியில் பயணம்
நொடியில் மரணம் !
உணர்க
உதவினால்
உயரலாம் !
தேன் ஒழுகப்பேசி
தெருவில் விடுவது
அரசியல் கூட்டணி !
ஆவதும்
அழிவதும்
சொல்லாலே !
நாய்வாலை நிமிர்த்த முடியாது
திருத்தவே முடியாது
அரசியல்வாதிகளை !
.
மரம் நடும் விழா
நட்டதோடு சரி
ஊற்றுவதில்லை தண்ணீர் !
மூன்று பக்கம் கடலால் மட்டுமல்ல
வரிகளால் சூழ்ந்த
இந்தியா !
