தேவதையும் தேன்மிட்டாயும்

தேவதை தேன்மிட்டாய்
சாப்பிடும் என்று யாரேனும்
கேள்விப்பட்டதுண்டா?
•
•
நான் கேள்விப்படவில்லை..
நேரில் அமர்ந்து பார்த்தேவிட்டேன்!!
•
•
அவள் சுவைத்து சாப்பிடும் போது
அங்கும் இங்கும் அசையும்
அவள் இதழழகை காண
என் விழிகள்
என்ன பாக்கியம் செய்திருந்ததோ?!?!
•
•
என்ன தவம் செய்திருந்ததோ!?!?
அந்த மிட்டாய்..
அவள் பூப்போன்ற இதழில்
தேன் வந்து தீண்டிய பின்பு தான்
அப்பெயர் முழுமை பெற்றது
"தேன்மிட்டாய்"...!
•
•
தான் தேவதை என்பதை
முற்றிலும் மறந்து..
முக்கால் மணி நேரம்
என்னுடன் இருந்து..
சிரித்துப் பேசி மகிழிந்தாள்..
என் மனம் முழுவதும் நிறைந்தாள்..
நீங்கா நினைவுகளாய்
என் உயிரினுள் பதிந்தாள்..!
•
•
தேவதையுடன் நான் இருந்தேன்
என்பதற்கு சாட்சியாக அவளிடம்
ஒரு Selfiee எடுக்க சொல்லிக் கேட்டேன்..
•
•
அதற்கு தேவதை
என் தேவை ஒன்றை
நீ நிறைவு செய்தால்
நான் உன்னுடன் Selfie
எடுத்துக் கொள்கிறேன் என்றாள்...!
•
•
எதைக் கேட்கப் போகிறாள் என்று
நான் உள்ளுக்குள் பயம் கொண்டேன்..
•
•
இந்த உலகை உருட்டி
என் கையில் கொடு என்பாளோ?
•
•
ஒருவேளை
என்னைப்பற்றி உருகி உருகி
கவிதை ஒன்று எழுதி கொடு என்பாளோ?
•
•
என்று எனக்குள் நானே
நினைத்துக் கொண்டேன்?!?!
•
•
ஆனால் அவளோ
என்னை தூக்கி
உப்புமூட்டை சுமக்க வேண்டும் என்றாள்
•
•
அவளை முதுகில்
ஏற்றிக்கொண்டு சுமந்த
அந்த சில நொடி
இந்த உலகமே
என் பின்னால் நின்றது
போல் தோன்றியது..!
•
•
ஒரு இறகை விடவும்
எடை கம்மியாக இருந்தாள்
ஏனென்றால் அவள் தேவதையல்லவா!!!
•
•
தூக்கிய அவளை
இறக்கி விட்டுவிட்டு
Selfie எடு என்றேன்
சிரித்துக் கொண்டு
அதெல்லாம் முடியாது என்றாள்...
•
•
அன்று தான் தெரிந்து கொண்டேன்
தேவதைகளும் பொய் சொல்லுமென்று..
•
•
இன்று அழகு கம்மியாக இருக்கிறேன்
Selfie வேண்டாம் என்று புலம்பிய
அவளுக்கு தெரியாது
நான் அவளை
என் கண்களால் படமெடுத்து
இதயத்தில் மாட்டிக்கொண்டேன் என்று...
•
•
விடைபெறும் நேரத்தில்
அவள் அன்போடு அணைத்த
அணைப்பிற்கு ஆயுள் முழுவதும்
என் உயிர் அவள் பெயர் சொல்லி
உச்சரித்துக் கொண்டே இருக்கும்!!!
•
•
அத்தேவதை அருகினில் அமர்ந்து
அழகினில் மெய்மறந்து
சிரிப்பினில் விழுந்த நான்
எழ மனமில்லாமல் எழுந்து வந்தேன்..
•
•
உனைக்காண
மீண்டும் ஒரு வாய்ப்பு கிடைக்குமென்று
என்னை நானே தேற்றிக்கொண்டேன்..
•
•
அவள் இதழ் தொட்ட குசியில்
"தேன்மிட்டாயும்"
அவள் உள்ளம் தொட்ட உற்சாகத்தில்
"நானும்".
•
•
கவிதைகளின் காதலன்
❤️சேக் உதுமான்❤️