மௌனம்

மனங்கள் பேசும் மொழி
மௌனம் அதனின் பெயர் !

கருவறை சிசுவும் பேசும்
மௌன மொழியில் தாயிடம் !

உருவாகும் உணர்வின் உச்சம்
உள்ளத்தில் நிலவும் மௌனம் !

கூடும் சோகத்தின் விளிம்பு
ஒலியற்ற மௌனத்தின் எல்லை !

சுகத்தை உணர்ந்திடும் உள்ளம்
உரைக்கும் மௌன மொழியில் !

நெருங்கிய காதலரின் மனங்கள்
நிகழ்த்திடும் மௌன யுத்தம் !

உருக்கிடும் காணும் உள்ளத்தை
வறியோனின் மௌனப் புன்னகை !

உருவாகும் பனிப்போர் உள்ளத்தில்
உருமாறும் மௌனப் புரட்சியாக !

மௌனம் காப்பதே மருந்தாகும்
வருந்தும் மனதிற்கு விருந்தாகும் !

கற்றிடுக மௌனமெனும் மொழியை
பயணிக்க வாழ்வெனும் பாதையில் !

நிலைத்திட வாழ்வில் அமைதியை
காத்திடுக உள்ளத்தில் மௌனம் !


பழனி குமார்

எழுதியவர் : பழனி குமார் (6-Jun-22, 8:42 am)
Tanglish : mounam
பார்வை : 71

மேலே