கற்பு
கற்பு
கற்புக் கனலியரின் வரலாறு
மாதந்தோறும் பிரசங்கம் செய்யப்படுகிறது
அலைகடலென திரண்ட பெண்களின் நடுவில்
பௌராணிகரின் சிலாகித்த பேச்சில்
தன்னை மறந்து அழுகிறாள் ஒருத்தி
பத்தினிக் கம்பம் பிடித்து
உச்சியில் ஏறி நிற்க உறுதியாக நிற்கிறாள்
மாதத்தின் மூன்று நாட்களில்...
மற்ற நாட்களில் பாழும் வயிற்றுக்குக் கஞ்சியூற்ற
ஒவ்வொருநாளும் கற்பை
உடலில் தெரியாத இடமொன்றில் மறைத்து வைக்கிறாள்
தினமும் அவள் வீட்டில் அடுப்பெரிகிறது
கற்பின் கனலில்..
..
- உடுமலை கி. ராம்கணேஷ்
