பத்து வித வாயுவிலும்
உயிர் காக்க பிராணனாய் சுவாசமுண்டு,
கோடி வகை உறவுகளிலும்
நான் வாழ காரணமாய் உன் நேசமுண்டு...

என் உடலது நிமிர்ந்து நிற்க
இரு நூறும் ஆறும் எலும்புகளுண்டு,
நான் சமூகத்தில் நிமிர்ந்துநிற்க
உறுதியான உன் சொற்களுண்டு...

உயிர்ப்புடன் ஊனிருக்க
இரத்த ஓட்ட பாய்ச்சலுண்டு,
உயரங்கள் பல நான் தாண்ட
சிந்தை முழுதும் உனதெண்ண ஓட்ட வீச்சுமுண்டு...

வெற்றிக்கனி நான் பறிக்க
என் சரிபாதி நீயுண்டு,
மண்ணையும் பொன்னாக்கும்
பெண் உனைப்போல் யாருண்டு?

மேலும்

காவலுக்கு ஆளில்லை,
எனினும் கடந்துவர மனமில்லை...

துணைக்கு தோழருண்டு,
உனை இணையாக்கும் ஆவலும் மிக உண்டு...

மஞ்சள் கயிறு காத்திருக்க,
உன் கழுத்தை அணைக்க ஏங்கியிருக்க...

நீ நுழைந்த உனக்கான இதயம்,
மேலும் கவலையால் கனத்திருக்க...

நீயின்றி வாழேன் என அறிவாயா?
நானின்றி நீ வாழ வழி அறிந்தாயா?

உனைப்பற்றி கனாக்கள் அநேகம் கண்டேன்,
ஐயத்துடன் வினாக்களே அதிகம் கொண்டுள்ளேன்...

வருவாயா? என்னுள் நிறைவாயா?
உனை தருவாயா? இல்லை, எனை பிரிவாயா?

மேலும்

காதலனாய் சாய்ந்த தோள்களில்
கணவனாய் என்னவளானபின்...

மாலை சூட்டும் இன்பமான மண
நாளை எண்ணி இன்புறும்...

தென்றலாய் உன்னை தழுவ
ஏங்கும் உன்னவன்...

மேலும்

உன்னையும் என் காதலையும்
மட்டுமே கவியாய் வடித்த
என் கரங்கள் ஏற்றது ஓர் சபதம்
வடிக்காது மற்றுமோர் இன்பக்கவி...

எனை பிரிந்து உன்னவரின் கரம்
பற்றியமையால்...

இது பொறாமையாலல்ல
என் காதலியின் இடத்தை
வேறோர் பெண்ணோ
அன்னவரின் மனைவியான நீயும்
நிரப்பமுடியாமையால்...

மேலும்

உன்னையும் என் காதலையும்
மட்டுமே கவியாய் வடித்த
என் கரங்கள் ஏற்றது ஓர் சபதம்
வடிக்காது மற்றுமோர் இன்பக்கவி...

எனை பிரிந்து உன்னவரின் கரம்
பற்றியமையால்...

இது பொறாமையாலல்ல
என் காதலியின் இடத்தை
வேறோர் பெண்ணோ
அன்னவரின் மனைவியான நீயும்
நிரப்பமுடியாமையால்...

மேலும்

சொடுக்கு விடும் தருணத்துள்
என்னுள் நுழைந்த உன்னை
வெளியேற்ற யுகங்கள்
பல தேவைப்படும்போலும்...

மேலும்

செல்வம் பெருக்கினோனுக்கு வாய்க்காத செல்வம்
ஒரு வேளை கூழ் மட்டுமே வாய்க்கப்பெற்ற
ஏழையாக்கப்பட்டவன் தேடிய செல்வம்


நிம்மதியான சிலமணிநேர உறக்கம்...

மேலும்

பூவை சுற்றி சுழலும்
அவ்வண்டறியும் சூட்சமம் நான் அறியேனோ?!
பூவிடமிருந்தும் உன்னிடமிருந்து தானாக வருவதில்லை
வண்டு உண்டு வாழ தேவையான தேனும்
நான் ஜீவித்திருக்க உனதன்பும்...

மேலும்

சருகும் தளிராகி
கல்லும் கனியாகி
நானும் புதுப்பித்தவனாகி
புது பித்தனும் ஆகி நிற்கின்றேன்
மின்னும் அப்பெண்ணின்
கண்ணின் ஒரு துளியால்.

மேலும்

மலர்போல் மென்மையாய் இருப்பவள் பெண்
கல் மனம் பெண் மனம் ஆகாது
எப்போதும் அமுத கலசம் தான்
அவள் மனம்
புன் சிரிப்பே அவள் சிரிப்பு
அது ஒரு போதும் பூமியை
அதிர்த்திடாது

மேலும்

சிறகு முளைக்காத "இதயத்திற்கு" சிறகு முளைப்பதும்
இயல்பாய் இருக்கும் "இதயம்" எம்பி குதிப்பதும்
நினைவு சுமக்காத "இதயம் " நினைவு சுமப்பதும்
வலி உணராத "இதயம்" வலி உணர்வதும்
குருதி வழியா "இதயம்" குருதி வழிவதும்

பாழாய்ப்போன "காதல் " வந்துவிட்டால் மட்டும்
"இதயம் "அது இயல்பு நிலையை மாற்றி(கொல்)க்கொள்கிறது

மேலும்

எங்கள் வாழ்வில் இனியதொரு தருணம்
உங்கள் வருகையோடும் வாழ்த்துகளோடும்
பூக்களோடு வரவேற்கிறோம்
புன்னகையோடு வாருங்கள்
உங்கள் வாழ்த்துமழையில்
வானவில் பூக்கட்டும்
வானிலும் எங்கள் வாழ்விலும்
வாழ்ந்துகாட்டுகிறோம்
வானும் மண்ணும் பயனுற !!

அழைப்பு இதழ்கள்

மேலும்