மகிழ்வோம் நிகழ்வதை எண்ணி !
துள்ளி ஓடும் புள்ளிமான்
அள்ளி வீசிடும் பார்வை
உறங்கிடும் நெஞ்சையும்
உணர்வால் மாற்றிடும் !
வனத்தில் திரிந்திடும்
வண்ண விலங்குகளில்
எண்ணத்தை ஈர்த்திடும்
ஓடிடும் மான் இனம் !
பசுமை வேய்ந்த சூழலில்
தம்மை மறந்த சூழ்நிலை !
பாவமறியா பார்வையுடன்
பகைவரை தேடும் நிலை !
மனித இனத்திற்குள் பகை
காட்டில் விலங்கிற்குள் பகை
பூமியில் நாட்டிற்குள் பகை
உலகில் நாடுகளுக்குள் பகை !
மறைய வேண்டும் பகையுணர்வு
செழிக்க வேண்டும் நட்புணர்வு
மறக்க வேண்டும் முடிந்ததை
மகிழ்வோம் நிகழ்வதை எண்ணி !
பழனி குமார்
