+ஒவ்வொரு பாட்டிலும் சொல்லியடி+
ஒவ்வொரு பாட்டிலும் சொல்லியடி!
மனதிற்கு முழுதாய் வெள்ளையடி!
பாட்டினால் சேர்ந்த கூட்டமடி!
கவித்தேன் சுவைத்திட நாட்டமடி!
நாட்டின் நடப்பையும் கலந்துக்கடி!
வீட்டின் கதையையும் சேர்த்துக்கடி!
ஆட்டமும் பாட்டமும் நல்லதடி!
பாட்டினில் சொல்லுவோம் உள்ளபடி!
நகைச்சுவை புன்னகை கொடுக்குமடி!
கட்டுரை கருத்தாய் இருக்குமடி!
கேள்விபதிலால் மூளை வளருமடி!
எண்ணத்தால் தீர்ப்போம் குளருபடி!
ஆக்கிய கவிகள் ஆலாக
ஊக்கமாய் விருது உரமாக
நட்பின் அன்பு விழுதாக
நாளும் படைப்போம் நலமாக
எழுத்தொரு தோழனாய் உள்ளதடி!
தமிழை வளர்த்திட வல்லதடி!
படைத்திட்ட உள்ளத்தை வாழ்த்திடடி!
பகலவன் போலிங்கு வாழும்படி!
