வெற்றியின் உவகை
கண்மணிகளே !!! உங்கள் போராட்டத்தை
ஜல்லிக்கட்டின் வெற்றியோடு நிறுத்தி விடாதீர்!!!
நீங்கள் புறந்தள்ளிய அயல் நாட்டு குளிர் பானங்களுக்கு
ஈடான நம் கலாச்சார குளிர் பானங்களை
நமது வணிக தோழர்களின் உதவியுடன்
விற்பனைக்கு கொண்டு வருவதில்
நவீன வியாபார யுக்தியை கற்றுக்கொடுத்து
விவசாயியின் வாழ்க்கை உயர்த்த பாடுபடுவோம் !!!
மணல் கொள்ளை, நீர் பாதுகாப்பு,
விவசாயி பிரச்னை, நீர் நிலைகளை தூர்வாருதல்
இயற்கை விவசாயம், அரசியல், பண்பாடு
என எல்லா துறைகளிலும் நீங்கள்
உங்கள் ஆற்றலை வெளிப்படுத்துங்கள் !!!
பிறந்த சேய் எட்டாம் மாதத்தில்
முதலடி எடுத்து வைக்கும் போது
உவகை கொள்ளும் தாயின் மகிழ்ச்சியை போல்
இன்று தமிழகமே மகிழ்ந்து இருக்கிறது
உங்கள் ஜல்லிக்கட்டு வெற்றியால் !!!
தொடரட்டும் உங்கள் வெற்றிப்படிகள் !!!
வளரட்டும் தமிழகம் !!!
வாழ்த்தட்டும் நன்மக்கள் !!!
உயரட்டும் தமிழரின் பெருமை !!!
போற்றட்டும் தேசம் !!!
