முள்ளுக் காட்டில் முளைத்த தாயே --- புதுக்கவிதை
முள்ளுக் காட்டில் முளைத்த தாயே !!! --- புதுக்கவிதை
முள்ளுக் காட்டில் முளைத்த தாயே !
உறங்கும் சிசுவின் உணர்வான
மூச்சினையே உறவாக நினைப்பவளே !
உயிராக்கித் தந்திடும் தெய்வமே !
கருவறையில் நான் உறங்க
கண்ணெனவே காத்தவளே !
அருமையான தாயவளே
அன்பிற்கோர் சான்றாவாள் !!
பெருமை பல பிறர் முன்னால்
பேசுகின்ற பெருமிதமே !
தருகின்ற உதிரத்தைத்
தந்திடுவாய் உணவாக பிள்ளைக்கே !
அன்னை உன்னை வணங்குவதில்
அகமும் முகமும் மலர்கின்றேன் .
என்னை ஈன்ற தாயன்றோ !
எதிலும் உனக்கு நிகருண்டோ !
அம்மா ' என்னும் சொல்லில்தான்
அகிலம் முழுதும் அடங்கிவிடும்
மகவாய் நானும் பிறப்பதற்கே
மகிமை பலவும் செய்தாயே .
உனக்காய்ச் சொல்லும் உன்னதங்கள்
உலகில் யார்க்கும் சொல்வதுண்டோ ?
கோவில் தெய்வம் நீயன்றோ ?
குடும்ப விளக்கும் நீயன்றோ ?
சாமி நூறு சாமி இருக்கிறது .
ஆனால் ....
தாயி இரண்டு தாயி இருக்கிறாளா !!!
ஆக்கம் :- பைந்தமிழ்ப் பாமணி . சரஸ்வதி பாஸ்கரன்
