மன்னர் நபியே..!மாணிக்கமே..! உம் உம்மத்தில் உதித்ததே பெரும் வரமே...
மன்னர் நபியே..!மாணிக்கமே..!
உம் உம்மத்தில் உதித்ததே பெரும் வரமே ..!
கருணை வடிவே..! கண்மணியே...!
நான் தழுவிட வேண்டும் உம் கரமே..!
மக்காவில் பூத்த நறுமலரே! நன்மைகள் செய்யவே மண் பிறந்தீரே ...!
வான் திரை விலகி வானவர் கோமான் திருமறை வழங்கிட வந்தாரே!
பிற உயிர்க்கெல்லாம் தீங்கு தராது அறவழி வாழ்ந்திட உரைத்தீரே...!
பாசம் நேசம் கலந்த பிணைப்பில் பலரின் மனங்களை இணைத்தீரே..
நேர்மையை தோழராய் கொண்டவரே...
ஏழ்மையை தோளில் சுமந்தீரே....
வீட்டில் செல்வம் சிறிது இருந்தாலும் தூக்கமின்றி தவிப்பீரே...!
ஏழை எளியோர்க்கு வழங்கிய பின்னே மனநிம்மதி அடைவீரே..!
பாவங்கள் நிறைந்த பூமியிலே..
பரிசுத்தமாக்க பிறந்தீரே ..!
பெண்ணினம் கண்ட கொடுமைகளை
மண்மூடி புதைத்தீரே..!
தரணி போற்றும் தலைவராக தன்நிகர் பெற்று சிறந்தீரே..!
0
0