சேதி அறிந்தனையோ

சேதி ஏதும் அறிந்தனையோ தோழி -நான்
செத்தொழிந்து போனென்று-எந்தன்
சேதி தெரியாதா- நான் வேறு
நாதி இல்லாதவன் என்று

வீதி மறந்தேனடி உன்னால்- என்
விதியை நொந்தேனடி-பார்த்த உன்
விழியாலே நான் பள்ளத்தில்
வீழ்ந்தேனடி

நோயும் ஏதுமின்றி நான்
நோக்கம் தொலைந்தேனடி-உந்தன்
தாக்கம் மிகுந்ததினால்-நான்
ஏக்கத்தில் சாவேனடி

வேதனை தருவதற்கே எந்தன்
வழியினில் வந்தாயோடி-எனக்கு
தூதென யார்வருவார்-என்
விழியினில் குருதியடி

உள்ளம் கொதிக்குதடி -என்
உதிரம் தகிக்குதடி-உந்தன்
கள்ளம் புரியாமல் -எந்தன்
எண்ணம் சிதறுதடி

இன்னும் என் உள்ளத்திலே
ஏதேதோ தோணுதடி-மேலும்
எழுத முடியாமல் விழிகளை
கண்ணீர் மூடுதடி

சோகம் நாளும் தொடருமடி