பெண்கள் ஆபத்தானவர்கள்

இரு விழிகள் இணைந்தே
செயல்படுகிறது

ஒன்றை ஒன்று காண
முடியாமல் போனாலுமே

ஒன்று துயிலும் போது
மற்றொன்று விழித்திருக்க
இயலாது

ஒன்று அழுதிருக்கும் போது
மற்றொன்று சிரித்திருக்க
இயலாது

ஆனால் ஒரு அழகிய
பெண்ணை கண்டதும் ஒரு
விழி சிமிட்டுகிறது

மற்ற விழியை துணைக்கு
அழைக்காமலே

அடடா! பெண்கள் ஆபத்தானவர்கள்
சேர்ந்திருக்கும் இரு விழியின்
இடையினிலும் பேதபாவம்
ஏற்படுத்தி விடுவார்கள்