சிவப்பு தினங்கள்!
எத்தனை தடவைதான்
நீ உன் காதுகளை மூடுவாய்?
கேட்டுக் கொண்டே இருக்கிறது
அங்கு வெடிச் சத்தம்!
ஒரே நிறமெனினும் தமிழா
செவிடாய் இருந்த
காரணம் கொண்டு இனி
இன எதிரி என அழைக்கப்படுவாய்!
செங்கோல் சிவப்பைச் சிந்த
கொடுங்கோல் கோலோச்ச
சிதறிய தலைகள் சிந்தின துளிகளை
சில எதிர்பார்ப்புகளையும் சேர்த்து!
இங்கு இன்னவர் யாரென்று
அடையாளம் காட்டத்தானோ
அங்கு உருண்டன நம்மவர் சிரங்கள்
இவ்விடம் இல்லை காக்கும் கரங்கள்
இனி அங்கு இல்லாமல் இருக்கலாம்
ஆனால் என்றும் மூடி வைத்த
எரிமலையாய் வெடிக்க துடித்திருக்கும்
அந்த சிவப்பு தினங்கள்...
