மனிதம் பேசுகிறது
மனிதம் பேசுகிறது..
அதன் பாஷைகள் சில நேரங்களில்
செவிப்பறை முட்டா மீயொலியாய்!
மனிதம் இருக்கிறது
கடந்து போகும் கடினங்களில்
கடவுளின்
கடைவிரலாய் !
மனிதம் ஒலிக்கிறது
தெளிவுறாக் குழப்பத்தில்
தெளிந்து மீள ஓர் அசரீரியாய் !
.
மனிதம் கிடக்கிறது
தரம் உரசிக் கூற
தரணியில் உரைகல்லாய்!
மனிதம் சிரிக்கிறது
போலி முலாம்களில் உலவும்
உண்மைகளாய்!
மனிதம் உயிர்க்கிறது
நம் இதயத்தை நனைக்கும்
மாற்றான் கண்ணீராய்!
ஸ்.UMADEVI
