பெரியார்
இந்நாட்டின் சிறந்தவர்
ஈரோட்டில் பிறந்தவர்
கருப்புச்சட்டை அணிந்தவர்
கருத்துசொல்லத் துணிந்தவர்
கைத்தறியைச் சுற்றியவர்
கைத்தடியைப் பற்றியவர்
மனுதர்மத்தை மிதித்தவர்
மனதர்மத்தை மதித்தவர்
கேள்விகளைக் கொடுத்தவர்
வேள்விகளைத் தடுத்தவர்
மேதமை உடை தரித்தவர்
பேதமைகளை எரித்தவர்
சனாதனத்தை சிதைத்தவர்
சமாதானத்தை விதைத்தவர்
பாமரனுக்காக உழைத்தவர்
பகுத்தறிவில் திளைத்தவர்
சாதிக்கொடுமையைத் தீத்தவர்
சாமானியனைக் காத்தவர்
ஆரியவாதியை அழித்தவர்
காரியவாதியை ஒழித்தவர்
மூத்திரச்சட்டியைத் தாங்கியவர்
சூத்திர விடுதலைக்கு ஏங்கியவர்
தந்திரத்தால் சூடுபட்டவர்
தன் திறத்தால் பாடுபட்டவர்
பெண்களின் நிலையை மாற்றியவர்
பெண்மையை மட்டுமே போற்றியவர்
சமூகநீதிக்கு வேரிட்டவர்
சாகும்வரை போரிட்டவர்
கலைஞர், அண்ணாவை உருவாக்கியவர்
கருணையை மட்டுமே கருவாக்கியவர்
சிறியோராலும் அறிய பெற்றவர்
பெரியார் எனும் பெயர் பெற்றவர்
