யானும் ஓர் பிறவி
யானும் ஓர் பிறவி இப்புவியில்
**********************************
கயவர்கள் நசுக்கும்
பிஞ்சு மலர்களை
காக்க இயலா மனிதர்களில்
யானும் ஓர் பிறவியே
காதல் விடுத்து
காமம் மட்டுமே
காதலாய் கொண்ட
கயவர்களை கண்டும்
காணாது செல்லும்
யானும் ஓர் பிறவியே
மூடர் கூட்டம் நாட்டை ஆள
எதிர்த்து கேள்வி கேட்க
தைரியமில்லா கோழையான
யானும் ஓர் பிறவியே
தவறுகளை தட்டி கேட்க
இயலா. அற்ப பதர்களில்
யானும் ஓர் பிறவியே
போராடியும் கிடைக்கா
தேவைகளை எண்ணி
வருந்தியதோடு நின்று
நாளும் மீண்டும் அதே
வாழ்வை தொடரும்
யானும் ஓர் பிறவியே
