குலோத்துங்க சோழன் கோவை - நூல் - எட்டாவது - பாங்கற் கூட்டம் - பாடல் 65
அருணாசலக் கவிராயர் எழுதிய குலோத்துங்க சோழன் கோவை
நூல்.
அஃதாவது - மூன்றாநாள் தோழனாற்கூடுங் கூட்டம்; அது: சாரிதல் கேட்டல் சாற்றல் எதிர்மறை நேர்தல் கூடல் பாங்கிற் கூட்டலென ஏழுவகைப்படும்; அவ்வேழுந் தலைவன் பாங்கனைச் சார்தல் முதல் பாங்கிற் கூட்டலீறாகிய இருபத்துநான்கு விரிகளையுடையன; அவை வருமாறு:-
தலைவன் பாங்கனைச் சார்தல்.
பாங்கன் தலைவனை யுற்றது வினாவல்
தலைவ னுற்ற துரைத்தல்.
கற்றறி பாங்கன் கழறல்.
கிழவோன் கழற்றெதிர் மறுத்தல்.
பாங்கன் கிழவோற் பழித்தல்.
கிழவோன் வேட்கை தாங்கற்கருமை சாற்றல்.
(இ-ள்) தலைவன் பாங்கனைநோக்கி நீ பழிக்கின்ற என்னுள்ளந் தேறுதற்கு வேட்கை யென்னாற் றாங்கமுடியாதென்று கூறுதல்.
இதுவுமது.
பாங்கன் றன்மனத்தழுங்கல்.
இதுவுமது
பாங்கன் தலைவனோடழுங்கல்.
எவ்விடத் தெவ்வியற் றென்றல்.
அவனஃ திவ்விடத்திவ்வியற் றென்றல்.
பாங்கன் இறைவனைத் தேற்றல்.
குறிவயிற் சேறல்.
இறைவியைக்காண்டல்.
இகழ்ந்ததற்கு இரங்கல்.
தலைவனை வியத்தல்.
தலைவியை வியத்தல்.
தலைவன்றனக்குத் தலைவி நிலை கூறல்.
தலைவன் சேறல்.
தலைவியைக் காண்டல்.
கலவியின் மகிழ்தல்.
புகழ்தல்.
(இ-ள்) தலைவன் புணர்ந்தபின் தலைவியைப் புகழ்ந்துகூறுதல்.
கட்டளைக் கலித்துறை
மட்டார் குழலி கலவியி னீக்கிய வார்திரும்பக்
கட்டா தொருகணந் தாழ்த்தன ளேற்கவி வாண(ர்)செம்பொற்
கொட்டார மன்ன குமார குலோத்துங்கன் கோழிவெற்பில்
எட்டா னையுநிலை கெட்டோடு மூதண்ட மென்படுமே! 65