கூலி வேலைகளும் அதில் குறுகிய மனங்களும்
மரத்தினை அறுப்பவர் வாழ்வில்
மலர்ச்சி இல்லை - மண்
பாரம் சுமப்பவர் வாழ்வில்
வளர்ச்சி இல்லை
வண்டி இழுப்பவர் வாழ்வில்
பெருமை இல்லை - பணம்
தண்டி வாழ்பவர் வாழ்வில்
பொறுமை இல்லை
உடலை வதைத்தே சிலர்
உயிர் வாழ்வார்
குடலைக் காட்டியே - பலர்
வயிர் வளர்ப்பார்
தான் உண்ட இலையைக்கூட- சிலர்
தொடமாட்டார்
ஊர் உண்ட கழிவைக்கூட - பலர்
அணைத்து அள்ளுவார்
கொல்லும் சொல்லையும்
வாங்கிக்கொண்டு - சிலர்
வில்லும் அம்புமாய்
வேலைச் செய்வர்
தொல்லைகள் வாழ்வின்
எல்லைவரை தொடர்வதை
கொள்ளிட முடியாதோ
பள்ளிகள் இருந்தும் பயனென்ன
வாழ்வின் வழி காட்டுதலைக் கற்றிட முடிந்திடுமோ
இறுகிய எண்ணங்களைத் தொலைத்தேரிந்து
இதயத்தை சமன் செய்து
ஒற்றுமைக் காண்போம்
