ஏழ்மையின் எதிர்பார்ப்பு••• Author dn

கொடியது இளமையில் வறுமை
கொடியதென தொண்டை கிழிய
ஆவி போக பாடி  ஆவியை விட்டுக்
கொண்டாள் ஔவை எனும் மூதாட்டி

 துள்ளிக் குதிக்கின்ற
பிள்ளை பருவத்திலே
கல்வி பயில்விக்க ஒரு
சல்லிக் காசில்லை எள்ளி
நகையாடும் உறவுகளே
ஏழ்மையின் எதிர்பார்ப்பு
செல்லுபடியாகிடுமோ

 அப்பூங்கொத்துகளின்
உள்ளங்களில் ஏழ்மை என்ற
முள்ளை வைத்து தைத்தல்
அதைவிடக்கொடுமை

 உடுத்தி அழகுபார்க்க
இடுப்பு சோமத்தால்
சட்டை கால் சட்டை
ஊசி நூல் கொண்டு
கையால் தைத்து உடுத்தி
அழகு பார்க்கும் அவலம்
ஏழ்மையின் எதிர்பார்ப்பு
ஒரு பக்கம் இல்லாமலில்லை

 ஒரு சுற்று சேலையை
உடம்பை மறைத்திருக்க
ஒரு சுற்று சேலையை
கசக்கி காய்ந்தப் பின் அச்
சுற்றைக் கட்டிக் கொண்டு
மறுச்சுற்றை துவைத்து அது
காய்ந்தப்பின்  உடுக்க
ஏழ்மையின் எதிர்பார்ப்பு
துயருற மட்டுந்தானா

 ஏழைமையின் இடத்தில்
செல்வந்தரை வைத்துப்பார்
அவர்கள் ஏழையாகிடுவர்
அதனால் இங்கே  உதவும்
பேர்களுக்கு கூட பஞ்சம்

 இலவசம் என்று ஒன்று
இருப்பதனால் ஏழையரின்
வண்டியே ஓடுகின்றது
இல்லையெனில் பிணக்
காடே காணக் கிடைக்கும்
என்பது செல்வந்தரின்
தவறான கணிப்பாகும்

 ஏழ்மையின் எதிர்பார்ப்பு
இலவசத்தை நம்பியில்லை
இலவசம் தான் ஏழ்மையை
நம்பியிருக்கிறது அறியீரோ