காதலி முந்தானையில்
ஒளிந்து மழையை ரசிக்கும்
காதலனை ஒத்திருந்தது
அந்த மழை நேரத்து மேகத்தில்
ஒளிந்த நிலவு...

மேலும்

கானல் நீரில்
மிதந்து செல்லும்
படகு போல
தோன்றுகிறது
ஆற்றுப்படுகையில்
மணல் அள்ளும் லாரியை
பார்க்கும்போதெல்லாம்...

மேலும்

வார்த்தையில்
வைக்க மறந்த
புள்ளியை வைத்து
மறைத்துத்தான்
வைத்திருந்தேன்
மற்றவர்கை சேரா
நம் காதலை...

மேலும்

உன் விழியின் கனவுகளை
விரலால் நிறைத்தேன்
பூவாய் மலர்ந்தது கவிதை
கனவுகளையெல்லாம்
கவிதையாக்கும்
வகையிருந்தால்
நட்சத்திரங்களுக்கு
இடம் இருக்காது
நிலவாக நீ உலவும் வானத்தில்...

மேலும்

எனக்குள்ளிருந்த
உணர்வின் உயிர்ப்புக்களை
உலுக்கியெழுப்பினாய்
விழித்து நானெழுகையில்
விடைகொடு என்கிறாய்
நிலவுமிழும் ராத்திரிகளில்
நீள நடந்தலைந்து
உணர்வுகளைத் தேடி
உறைந்து போயிருந்தேன்
நெஞ்சினில்
கனக்கும் நினைவுகள்
இமை விளிம்பு ஈரம்
என் விழியுடைப்பிற்காகத்தான்
காத்திருக்கிறதென்பது
தெரியும்
கொட்டும் பனியும்
கருக்கும் வெயிலுமில்லாத
ஒரு ஆரம்பம்...

மேலும்

நதியோடு பயணிக்க
கடல் வந்து சேர்ந்தது
கடலோடு பயணிக்க
கண்டங்கள் தெரிந்தது.
பெரிதாக இருந்த உலகம்
சிறு புள்ளியானது
இயற்கை எல்லாவற்றையும்
கர்ப்பத்திலிருந்து காலவெளிக்கு
பரிசளித்துப் போகின்றது
மனித மனம் மட்டும்
இயற்கையை விட்டு
இயந்திரத்துடன்....

மேலும்

எழுத்தில் என் பாதை..!

ஜூலையில் ஒரு பெயர் பதித்தாய்..
ஆகஸ்ட்டில் அடியெடுத்து வைத்தாய்..
கடைபல விரித்தாய் காண்பாரில்லை
கவிப்பலத் திரித்தாய் கேட்பாரில்லை..!

எழுத்தில் உனக்கோர் புகலிடம் வேண்டி
எழுத்தை தொடர்ந்தாய் படித்தனர் சிலரும்
எழுந்து பார்த்தாய் அணைத்தனர் பலரும்
எடுத்தாய் அவர்தம் உள்ளம் அன்பாய்..!

புனைந்த எழுத்தில் நல்லதை விதைத்தாய்
புரிந்தனர் உன்னை நலமென ஏற்றனர்
புதியவர் வரவை புன்முறுவல் செய்தாய்
புகுந்தாய் எழுத்தில் இகழ்ந்தார் இல்லை..!

குறைகள் சொன்னதும் குற்றம் திருத்தி
குறைத்தாய் குறையை தின்றாய் நீயே
கவிஞர் வாழும் இனிய தளத்தில்
அறிஞரும் அறிய பவனி வந்தாய்..!

மேலும்

கோடை காலத்து
மெலிந்த ஓடையாய்
உன் நினைவுகளாய்
நான்.

மேலும்