புதுவரவுகளில்
பிடித்தப் பாடலாய்
இணைந்துக் கொள்ளும்
அவன் பேச்சு...!!

விசேசங்களில்
போடும் மொக்தூளாய்
வண்ணம் மாற்றும்
அவன் பார்வை...!!

ஐஸ் வண்டிகளில்
ஒலிக்கும் மணியாய்
கவனம் ஈர்க்கும்
அவன் பைக் சத்தம்...!!

திருவிழாவிற்கு
கலையும் தூக்கமாய்
விழிக்க வைக்கும்
அவன் ஞாபகம்...!!

வார இறுதிகளில்
அம்மாவின் ஞாயிறாய்
தவிர்க்க முடியாதது
அவன் நினைவுகள்...!!

வேர்களில்
பற்றிடும் தாய்மண்ணாய்
உரிமைக் கொள்ளும்
அவன் கோபம்...!!

குழந்தைகள்
கேட்கும் பொம்மையாய்
மறுக்க முடியாதது
அவன் பிடிவாதங்கள்...!!

மலராத
பூக்களின் நிறமாய்
அழகான இரகசியம்
அவன் முழுக்கை
மடிப்புகள்...!!

மேலும்

இறைவா... வா...!!!

யசோதை விழிகளில் மண்ணைத் தூவி
வெண்ணைத் திருடினயோ..? - அவர்
ஓங்கிய கரமும் இறங்கிடும் முன்னே
ஒளிந்து சிரித்தனையோ..???

உன்னை வரிக்கும் கோபியர் மனதினை
வசியம் செய்தனையோ..? - அவர்
கண்ணா... கண்ணா... என்று துதித்தே
தன்னை மறந்தனரோ..???

ஆற்றங்கரையினில் அல்லும் பகலும்
ஆடிக் களித்தனையோ..?
ஊதிய குழலின் கானத்தில் கன்னியர்
உள்ளம் கவர்ந்தனையோ..???

ஆவினம் யாவையும் கானத்தில் ஈர்க்கும்
ஆற்றல் படைத்தனையோ..?
தேமதுரக் குழ லோசையிலே அந்த
தேவரும் மயங்கினரோ..???

விண்ணைப் பிளந்தே விழுந்த மழையினில்
ஆயர்கள் அரண்டனரோ..?
விரலினில் கிரியினை குடையென விரித்தே
உயிரின

மேலும்

உன்
நெஞ்சின் ஓரம்
வாழவே

தெருவின் ஓரம்
காத்து இருக்கிறேன்

வாழ் நாள் முழுதும்
நீ உதறிச்சென்ற இடத்தில் ~~~~~~

மேலும்

தென்றல் மோதி திறந்திடும்
பூ இதழ்களில்
தேன்தனை சுவைத்திட
வட்டமிடும் வண்டுபோல்
தினம் என்னை மலர செய்யும்
திமிரானவன்
கருவிழி
பார்வைக்குள் அகப்பட்டு
கனவிலே மிதக்கின்றேன்
காதலை
சொல்லத் தெரியாமல் ..!!!

மேலும்