காளி தலைகவிழ கால்நடம் செய்தவர்யார்?
காளையார் என்று கதைப்போரே -கேளுங்கள்
காளி தலைகவிழ கண்ணனே செய்திட்டான்
காளிங்கன் மேலாடுங் கால்

காளையார் -சிவனார்

காளி தலைகவிழ செய்தவர் சிவன் ஆம் தில்லையில் ஊர்த்துவத்தில் காளியை வென்றார்

கண்ணனும் காளிங்கன் என்ற காளி தலைகவிழ காளிங்க மர்த்தனம் செய்தானே அவனும் காளி தலைகவிழச் செய்தவன் தானே

மேலும்

பால சுந்தரி
பால சுந்தரி பாடகங் கொண்டவள்
பாட முந்தரப் பாடகம் தந்தவள்
பாலன் நெஞ்சிலே ஆடகப் பொற்கொடி
பாட வந்தருள் ஆடகப் பொற்கொடி
கால காலனும் கைதொழும் பிள்ளையே
கைவ ணங்குவார்க் கன்னையாம் பிள்ளையே
மூல மாயவள் முத்திரை காட்டியே
முத்தி நல்குவாள் முத்திரை நீக்கியே
பாடகம் - கொலுசு
பாடு + அகம் - பாடகம்
ஆடகப் பொன்
ஆடு அகம் ஆடகம்
மகேஸ்வரி விடையினில் விரைகவே
மலர்களில் மணப்பவள் வருகவே
மனங்களி லமைதியை யருள்கவே
மலைமகள் தோள்களி லுதித்தவள்
மகேஸ்வரி விடையினில் விரைகவே
மலர்கள்மல் லிகைவில்வம் ஏற்பவள்
மனங்களில் வலிமையை யருள்கவே
கலை, வளம் நலங்களை யருள்பவள்
கவிமடல் மலர்ந்திட வருள்கவே

மேலும்

வரமே யருளும் வடைமா லையனே
சிரஞ்சீ வியெனத் திகழ்வா னரனே
அரணே யருளும் கதையா யுதனே
சரணஞ் சரணங் கவிநா யகனே

மேலும்

எதையும் தாங்கும் இதயம் இருந்தால்
இதயம் உனக்குத் துணையாகும்..
எதற்கெடுத் தாலும் பயந்துகொண் டிருந்தால்
அதுவே உனக்கு வினையாகும்…
உதவி வாழும் வாழ்க்கை தானே
உனக்கும் எனக்கும் வரமாகும்
பதறிப் பதறி வாழும் வாழ்க்கை
பார மாகும் சுமையாகும் (1)

வந்த வாழ்க்கை வரமாகும் நெறியில்
வாழும் வாழ்க்கை தவமாகும்
இந்த வாழ்க்கை பாரம் என்றால்
உன்நிழல் உனக்கேச் சுமையாகும்
தந்த வரம்தான் தாவரம் என்று
தருக்களும் தன்னைத் தருகிறது
வந்த வரம்தான் வாழ்க்கை என்றால்
வலிமை மனதில் வருகிறது (2)

நீரும் நெருப்பும் காற்றும் கூட
நிலத்தில் தானே கிடைக்கிறது
யாருக் கென்று எழுதி வைத்து
இயற்கை தானா பிரிக்கிறது..?
ஊருக்

மேலும்

தாமரையின் கண்ணொத்த தாமரையாள் கண்ணென்பேன்
தாமரையாள் கையுஞ்செந் தாமரைமேற் றாமரையோ
தாமரையும் நீருயரத் தாமுயரும் கொங்கைகளாம்
தாமரையை நீருயர்த்து தா!

மேலும்

வேகாமா தாவா விணைமெய் யரலளழ
வாகாக கையிருக்கும் வண்ணமாம்;- ஆகமத்தான்
பேராம் பணிந்திடுவோம் பீடுபுகழ் சேர்ந்திட
சீராக வாழ்வோம் சிறந்து

செய்யுளில் முதல் இரு சீரின் ஒவ்வொரு எழுத்தும் முறையே யரலளழ மெய்யெழுத்தாகக் கொண்டு இணைத்துப் பின் வருமாறு பொருள்கொள்க

கையிருக்கும் வேய்- புல்லங்குழல்
வண்ணம் -கார்
ஆகமத்தான் பேராம்- மால்
பணிந்திடுவோம்- தாள்
பீடுபுகழ் சேர்ந்திட- வாழ்

மேலும்

மறைகாக்க மீனம் மலைதாங்க வாமை
பொறைகாக்க வேனநர சிம்மம் ;- குறளோன்
அறங்காக்கக் கோடரியன் கண்ணனண்ணன் ராமன்
நெறிகாக்கும் கல்கி நினை

மறை காக்க வேதத்தைக் காக்க மீனம்
மலையைத்தாங்க ஆமை
பொறை என்பது இங்கு பூமி எனக்கொள்க
பொறைகாக்க வேனநர சிம்மம் ;- குறளோன்

ஏனம் வராகம்
குறளோன் வாமனன்

கண்ணன் அண்ணன் இது கண்ணனையும் கண்ணனின் அண்ணன் பல ராமனையும் குறிக்கும்
ஒரே யுகத்தில் இரு அவதாரம் ஒரேசொல்லில் இரு அவதாரமும்
கோடரியன் பரசு ராமன்

மேலும்

தமிழ்பிறந்ததால் இசைபிறந்ததா(ம்)?!
இசைபிறந்ததால் தமிழ்பிறந்ததா(ம்)?!
ஒலிபிறந்ததால் மொழிபிறந்ததா(ம்)?!
மொழிபிறந்ததால் ஒலிபிறந்ததா(ம்)?! (தமிழ்)
அடியளந்துதான் கவிபிறந்ததா(ம்)?!
கவிபிறந்துதான் அடியளந்ததா(ம்)?!
எழுத்துவந்துதான் பொழுதளந்ததா(ம்)?!
பொழுதளந்துதான் எழுத்துவந்ததா(ம்)?! (தமிழ்)
ஆசைவந்ததால் ஓசைவந்ததாம்!
ஓசைவந்ததால் வாசிஎன்றதாம்
வாசிஎன்றதால் வாசிக்கின்றதாம்
வாசிக்கின்றதால் சுவாசிஎன்றதாம் (தமிழ்)
உயிர்மெய் இணைந்ததால் உயிர்மெய் வந்ததாம்!?
உயிர்மெய்வந்ததால் உயிர்ப்புவந்ததாம்
இயலெழுந்ததால் இசைபிறந்ததா(ம்)?!
இசைபிறந்ததால் இயலெழுந்ததா(ம்)?! (தமிழ்)
எழுத்துவந்ததால் வார்த்தைவந்ததாம்

மேலும்

நெஞ்சம் பாடலகளால் நிறையும் பாடு
பிஞ்சுப் பாதங்களால் நிறையும் வீடு
புள்ளிக் கோலங்களால் நிறையும் வாசல்
பிள்ளைப் பாதங்களால் நிறையும் வீடு

நேர காலங்களால் நிறையும் நாள்கள்
வார மாதங்களால் நிறையும் ஆண்டு
வீரர் தியாகங்களால் நிறையும் நாடு
பேரப் பிள்ளைகளால் நிறையும் வீடு

கெஞ்சும் ஊடல்களால் நிறையும் கூடல்
கொஞ்சும் கூடல்களால் நிறையும் காதல்
வெல்லும் எழுத்துக்களால் நிறையும் வார்த்தை
சொல்லும் வார்த்தைகளால் நிறையும் பாடல்
செய்யும் வாதங்களால் நிறையும் ஞாயம்
வைய ஞாயங்களால் நிறையும் நீதி
பாச பந்தங்களால் நிறையும் சொந்தம்
ஓசை சந்தங்களால் நிறையும் சிந்தும்

மேலும்

நெல்லையில் கோயிலில் நீவிடும் மூச்செண்ணி
கல்லை துளையிட்டார் கண்டீரோ - தில்லையின்
அம்பலமே லோடுகளும் அந்தக் கணக்கென்றால்
அம்பல மாமே அறி(வு)
................................................................................................


நாம் நிமிடத்திற்கு 15 சுவாசம் விடுகின்றோம்
மணிக்கு=60x 15=900
நாளொன்றிகு 900x 24 = 21600

ஆக இந்த கணக்கில் நெல்லையப்பர் கோயிலில் சுவரில் 21600 துளைகள் உள்ளன அதே போன்றே சிதம்பரத்திலும் அதன் மேற்கூரை ஓடுகள் உள்ளன.
விஞ்ஞானத்தை அன்றே நம் மெய்ஞானம் காட்டிற்று அல்லவா.
அம்பலம் என்பது கோயிலையும், அம்பலமானதையும் சிலேடையாக அமைத்துள்ளேன்.

மேலும்

1. 2 சொற்கள் 30 வரிகள்
2. 12.7.2014 இரவு 12.00.00 மணிமுதல் 13.7.2014 இரவு 11.59.59 மணி வரை மட்டுமே படைப்புகள் தளத்தில் இப்பகுதியில் மட்டும் பதியலாம் பதிவிடும் படைப்புகள் கருத்துக்கள் அனைத்தும் இந்திய நேரப்படியே இங்கு பதிவாகின்றது...!! எனவே வெளிநாடு வாழ் நம் தோழர்கள் அனைவரும் அவரவர் நாட்டின் நேர அளவு வித்தியாசங்களுக்கு தக்கவாறு இந்திய நேரப்படி தங்கள் படைப்புகளை பதிவேற்றலாம்.தனி விடுகையில் அளிப்பவை ஏற்க இயலாது
3 ஒருவர் ஒரு படைப்பு மட்டுமே அளிக்கலாம்
4. பிறமொழி கலப்பு மற்றும் பிழைகள் மதிப்பெண்களை இழக்க வைக்கும்
5. மரபுக் கவிதை எனில் பா வகைமையைக் குறித்தல் வேண்டும்
6.படைப்புகள் மீதான கர

மேலும்

1.தலைப்பு - கவிதை
"மீண்டும் வானம்பாடி "
2.வரிகள் 16 --வரி ஒவ்வொன்றிலும் நான்கு தமிழ்ச் சொற்கள்
3..மரபு மற்றும் புதுக்கவிதை தனி பரிசுகள்
4. பிழைகளுக்கு இடம் இல்லை
5.பங்கேற்பு: தளத்தின் இன்றைய உறுப்பினராக உள்ளவர்கள் மட்டும்
6.ஒருவர் ஒரு படைப்பே அளிக்கலாம்

7.நடுவர்கள் : தமிழகத்தின் ஆகச்சிறந்த படைப்பாளிகள்

மேலும்