பெண்ணே...

உன் இதழ்யோரம்
புன்னகையும் இல்லை...

நான் வைத்த மலர்செடியில்
மொட்டும் விரிக்கவில்லை...

வரம் ஒன்று கேட்டேன்
இறைவனிடம் உன்னை மட்டும்...

நீயோ கொடுத்தாய் என்
கண்ணில் படாதென்று...

அவனிடம் கேட்டது வரம்
நீ கொடுத்தது சாபம்...

வெயிலில் உன்னை
தொடர்வதும்...

நிழலில் மறைவதும் உன்
நிழலென நினைத்தாயா என்னை...

முழுவதும் வெறுத்துவிட்டேன்
உன்னையென...

என் விழி பார்த்து
சொல்லிவிடு...

உன் விழிகளில்
மட்டுமல்ல...

உன் சுவாச காற்று பட்ட
தென்றலை கூட...

நான் சுவாசிக்கமாட்டேன்...

முழுவதும் என்னை
வெறுத்தால் சந்தோசம்...

உன்னில் நான் இல்லைஎன

மேலும்

என் சமூகத்தால்
நான் தனித்திருக்கிறேன்,
என் கருத்துகளால்
நான் வேறுபட்டிருக்கிறேன்,
ஆனால் ,
சில பொய்களிடம்
என் உண்மை
மண்டியிடும் போது,
என் மனசாட்சியிடம்
கேட்பதெல்லாம் ,

நான் பிழையா ?
பிழையில் நானா ?

- தமிழ் குட்டி

மேலும்

மொழியாலும்
தன் உளியாலும்
புது புரட்சி செய்தவன் !

வலியாலும்
இரு விழியாலும்
கண்ணீர் வடித்த பெண்களின்
துயர் துடைத்தவன்!

மதியாலும்
பல விதியாலும்
கருத்து கூறியவன்
என்றாலும் ,

தன் எழுதுகோல்
சிந்தும் கண்ணீரால் ,
தமிழ் மண்ணில்
புது(க)விதை விதைத்தவன்
எம் கவிஞர் !

- தமிழ் குட்டி.

மேலும்

நெஞ்சத்தில் ஒருவனை சுமந்து
மஞ்சத்தில் வேறொருவனை
சுமக்கையில்
புதுமனப்பெண்ணும்
முதலிரவில்
விபச்சாரியாகிறாள் .!

மேலும்

உயர்திணைகள் கூட
ஒப்பனையால் தான் அழகு
பெறுகின்றன,
ஆனால்,
அஃறிணைகள் தன்
உடல் அசைவைக் கூட
அழகாய் காட்டுகின்றன !!

- தமிழ் குட்டி

மேலும்

எனை அவள்
விட்டுசென்ற போதும்,
எனக்காக அவள்
விட்டுச்சென்ற
விலகாத உறவு
அவளின் நினைவு.....

மேலும்

உன் புரிதல் அற்ற
பிரிதலில்
எதை கேட்கின்றாய்
என்னவனே
எடுத்துக்கொள்
இழப்பதற்கு எதுவும்
இல்லை
என் உயிரை தவிர..

மேலும்

தேடிப் பார்த்தேன்
கிடைக்கவே இல்லை ,
தமிழ் அகராதியில்
அவள்
மௌனத்திற்கான
அர்த்தம் !

- தமிழ் குட்டி

மேலும்

என் இரவுகள்
விடிவதற்கு முன்
என்னை பதம்பார்க்கிறது..

காற்றோடு இசைமீட்டும்
என் விரல்களை
எழுதுகோலை கொண்டு
கவிதை எழுதுவதற்காக..!

கற்பனையில் நினைத்ததை
தமிழில் நனைத்து எழுதுகிறேன்
என்னுள் நனைந்த வரிகளை கொண்டு...

எழுகிறேன் கவிதை
இல்லை இல்லை கிறுக்கல்கள்...!

என் வரிகள் மட்டும்தான் கிறுக்கல்கள்
நான் கிறுக்கன் இல்லை..
ஒருவேளை நீங்கள் நினைத்தால்
இரு(ற)ந்துவிடுகிறேன்
தமிழ் கிறுக்கனாக..!

தோழர்களே.. தோழிகளே..

மேலும்